ابڙو اڪيڊمي Abro Academy
2020-07-22
داخلا نمبر 621
عنوان چور ڀائي
شاخ پکي
پڙهيو ويو 399
داخلا جو حوالو:
چور ڀائي
چور ڀائي
70 کان 80 سينٽي ميٽر جسامت وارو هي پکي ٻگهه جو قسم آهي پر ان جون عادتون مختلف آهن. ان جا نر ماد هڪجهڙا ٿين ٿا. ’چور ڀائي‘ جو رنگ هلڪو بادامي ٿئي ٿو جنهن تي سونهري ناسي دڳل هوندا آهن. مٿو ۽ ڪياڙي ڪاري اٿس، ڳچي اڇڙي، ڇاتيءَ تي به گهرا ناسي دڳل هوندا اٿس. ٽنگون هيڊيون ۽ چهنب به ڊگهي ۽ پيلي اٿس جيڪا خطري مهل مٿي ڪري بيهندو آهي. عام طور تي گپراٺن ٻوٽن ۾ يا ڍنڍن اندر بيٺل گاهه ۾ لڪل هوندو آهي. اڪثر اڏامڻ مهل ڏسبو آهي. هي يوريشيائي پکي آهي ۽ اپکنڊ ۾ سياري جو مهمان آهي.
سدائين خاموش هوندو آهي، ان جي ٻولي تمام ٿورن ماڻهن ٻڌي هوندي. چون ٿا ته ان جو آواز ڪجھه ايئن آهي جيئن ڪنهن بوتل جي منهن تي ڦوڪ ڏيڻ سان خاص آواز ٿيندو آهي. هن پکيءَ جو نالو ان جي خاموشي ۽ لڪل رهڻ جي عادت سان پوريءَ طرح ٺهڪي ٿو. ماحول : 7 جو پکي آھي.